La regenza nominescha il Stab directiv chantunal per dumagnar situaziuns extraordinarias. En la fasa acuta e da reconstrucziun ha il Stab directiv chantunal la direcziun generala. En la fasa da pre-venziun e da reconstrucziun vegn il Stab directiv chantunal manà da l'Uffizi da militar e da protecziun civila e durant la fasa acuta da la Polizia chantunala. Il stab central dal Stab directiv chantunal se-cumpona dal cumandant, respectivamain da la cumandanta da la Polizia chantunala, dal manader, respectivamain da la manadra da la partiziun pumpiers da l'Assicuranza d'edifizis, da l'Uffizi da sa-nadad, da l'Uffizi da construcziun bassa, da l'Uffizi da guaud e pri-vels da la natira, da l'Uffizi da militar e da la protecziun civila. Il Stab directiv po engaschar represchentantas u represchentants da posts da servetsch u da manaschis ch'èn necessaris per la prevenziun e per dumagnar eveniments da situaziuns spezialas ed extraordina-rias. L'Uffizi dal militar e da la protecziun civila ha l'incumbensa da scolar e da furmar ils commembers dal Stab directiv chantunal.

Incumbensas da las mesiras da prevenziun

• Analisar privels da muntada considerabla per il Chantun;
• Realisar il basegn d'agir chantunal eruì sin basa da l'analisa da la periclitaziun;
• Avertir las vischnancas en cas da privels che pon – tenor il giudicament dal post spezialisà cumpetent – avair conse-quenzas pli grondas per l'entir territori chantunal u per parts da quest territori;
• Alarmar la populaziun en cas da privels acuts, cun ils quals i sto – tenor il giudicament dal post spezialisà cumpetent – vegnir fatg quint cun consequenzas pli grondas per l'entir territori chantunal u per parts da quel, e dar recumandaziuns da cumportament en cas che l'eveniment ha lieu;
• Far cunvegnas cun ils chantuns e stadis vischins.

Incumbensas per dumagnar situaziuns spezialas ed extraordinarias

• Realisar e garantir las colliaziuns da communicaziun cun ils partenaris da la protecziun da la populaziun, cun ils stabs di-rectivs communals, cun auters chantuns e cun ils uffizis fe-derals cumpetents;
• Giudicar la situaziun intercomunala/denter las vischnancas;
• Infurmar las vischnancas e la publicitad;
• Attribuir e manar ils meds finanzials ed il persunal auxiliar che vegnan offrids al chantun dals partenaris da la protec-ziun da la populaziun e da terz, resguardond l'intensitad dals donns e la capacitad da prestaziun da las vischnancas per-tutgadas;
• Diriger e coordinar ils meds che vegnan purschids directa-main a las vischnancas dals partenaris da la protecziun da la populaziun e da terz;
• Organisar il provediment dals secturs impurtants per la popu-laziun sco aliments da basa, aua, energia, daners, traffic pu-blic e telematica;
• Decretar dretg d'urgenza per in temp limità en cas da distur-bis grevs da l'urden public u da la segirezza interna;
• Dumonda d'agid tar auters chantuns, tar la Confederaziun u tar stadis cunfinants.