Las administraziuns publicas lavuran cuntinuadamain per facilitar l'utilisaziun dals servetschs. En quest connex han las opiniuns da las utilisadras e dals utilisaders ina valur spezialmain gronda per nus. Il chantun Grischun è s'affilià a la plattafurma TestingTime. Cun quella laschan differents chantuns examinar l'experientscha d'utilisar lur purschidas digitalas.
Sche Vus As annunziais tar TestingTime, pudais Vus testar novs servetschs administrativs digitals e dar feedbacks prezius. Vus gidais uschia a meglierar las apps, las paginas d'internet ed ils servetschs. Vossas valitaziuns ans gidan a concepir las purschidas digitalas optimalmain tenor ils basegns da la populaziun. Uschespert ch'ina nova enquista, in test u ina intervista stat a disposiziun, survegnis Vus ina infurmaziun.

Per la participaziun survegnan las persunas da test ina pitschna indemnisaziun – u sco pajament direct u en furma d'in bon. Vus dastgais gugent er far attent autras persunas da Voss ambient privat sin la plattafurma TestingTime.

S'annunziar gist ussa