L'Administraziun da finanzas è l'autoritad da surveglianza e da modificaziun da las fundaziuns da dretg privat en il senn dals art. 80 ss dal Cudesch civil svizzer (CCS) per las fundaziuns classicas che tutgan – tenor lur destinaziun (intent e champ d'activitad) – al chantun Grischun. A maun da rapports periodics vegn examinada l'utilisaziun da la facultad da la fundaziun tenor l'intent, pia da princip er tut l'activitad commerziala, l'organisaziun sco er l'investiziun da la facultad. Sch'i vegnan constatadas mancanzas en il rom da questas examinaziuns, vegnan prendidas las mesiras necessarias che stattan a disposiziun a l'autoritad da surveglianza e da modificaziun. Al champ d'incumbensas da la surveglianza da las fundaziuns appartegnan er l'execuziun da midadas da l'intent e da l'organisaziun e l'approvaziun da disposiziuns dal dretg da facultad, sco per exempel transferiments da facultad u fusiuns.