Descripziun da la via
nà da la staziun (10 min.)
a pe
Suandai la Bahnhofstrasse davent da la staziun fin a l'emprima rundella e giai alura a sanestra en la Quaderstrasse. Suenter in pèr minutas a pe arrivais Vus a la rundella a la cruschada Quaderstrasse / Masanserstrasse. Traversai la Masanserstrasse. Suenter 100 m arrivais Vus a la chantunada Quaderstrasse / Steinbruchstrasse. L'entrada e la recepziun sa chattan a la Steinbruchstrasse 18. Sche Vus traversais la Masanserstrasse e sche Vus giais alura directamain ca. 50 m a dretga, chattais Vus la filiala en l'edifizi da l'administraziun da la citad da Cuira (Stadthaus) a la chantunada Masanserstrasse / Steinbruchstrasse.
cun il bus da la citad
Prendai il bus da la lingia nr. 3 (Haldenstein / Trimmis-Untervaz) e sorti dal bus a la fermada Untertor. La fermada sa chatta directamain davant l'edifizi da l'administraziun da la citad da Cuira (Stadthaus), en il qual sa chatta er la filiala dal cumissariat da l'administraziun chantunala da taglia.
nà da la sortida da l'autostrada Cuira nord
La sortida da l'autostrada Cuira nord maina directamain en la Masanserstrasse. Suandai la Masanserstrasse en direcziun dal center da la citad. Giai a l'emprima rundella a sanestra en la Quaderstrasse (en direcziun dals ospitals). L'entrada a la chasa da parcar Quader (Coop) sa chatta suenter ca. 80 m, da la vart dretga da la via. Bandunai la chasa da parcar tras la sortida principala dal Coop e giai a dretga. Suenter 100 m arrivais Vus a la chantunada Quaderstrasse / Steinbruchstrasse.L'entrada e la recepziun sa chattan a la Steinbruchstrasse 18. Sche Vus sortis da la sortida principala dal Coop e sche Vus giais alura directamain ca. 50 m a sanestra, chattais Vus la filiala en l'edifizi da l'administraziun da la citad da Cuira (Stadthaus) a la chantunada Masanserstrasse / Steinbruchstrasse.
nà da la sortida da l'autostrada Cuira sid
Suenter avair bandunà l'autostrada a la sortida Cuira sid arrivais Vus ad ina cruschada cun amplas. Giai a sanestra en la Kasernenstrasse en direcziun dal center da la citad. Suandai la Kasernenstrasse ed alura (suenter avair traversà la punt) la Grabenstrasse tras l'emprima rundella. Giai a la segunda rundella a sanestra en la Masanserstrasse ed a la terza rundella a dretga en la Quaderstrasse (en direcziun dals ospitals). L'entrada a la chasa da parcar Quader (Coop) sa chatta suenter ca. 80 m, da la vart dretga da la via. Bandunai la chasa da parcar tras la sortida principala dal Coop e giai a dretga. Suenter 100 m arrivais Vus a la chantunada Quaderstrasse / Steinbruchstrasse. L'entrada e la recepziun sa chattan a la Steinbruchstrasse 18. Sche Vus sortis da la sortida principala dal Coop e sche Vus giais alura directamain ca. 50 m a sanestra, chattais Vus la filiala en l'edifizi da l'administraziun da la citad da Cuira (Stadthaus) a la chantunada Masanserstrasse / Steinbruchstrasse.