Charas visitadras, chars visitaders

Bel che Vus As interessais per las activitads dal Departament d'infrastructura, energia e mobilitad e che Vus vulais vegnir a savair dapli davart nossas lavurs.

Nossas incumbensas cumpiglian ils secturs: energia, forza idraulica, privels da la natira, traffic, vias, immobiglias, acquisiziuns, guaud sco er chatscha e pestga. En tut quests secturs lavurain nus localmain ed ans occupain cun dumondas da l'equipament resp. da las resursas, dal diever da quellas e da lur tgira.

Latiers tutgi che l'infrastructura per la mobilitad vegn sviluppada en tut sias furmas confurm al temp e mantegnida cun quità; ch'ils edifizis da l'administraziun chantunala vegnan construids correspundentamain a l'utilisaziun e gestiunads effizientamain; che las resursas aua, energia e laina vegnan tractadas en moda persistenta; ch'il guaud vegn tgirà sco part natirala da noss spazi da viver e porscha sco infrastructura biologica protecziun cunter privels da la natira; che la populaziun da selvaschina vegn mantegnida e regulada en moda sauna resp. ch'ils effectivs da peschs vegnan cultivads en moda persistenta e che lur spazis da viver vegnan protegids e restabilids; ch'i existan cundiziuns generalas per il maun public per surdar lavurs e servetschs da maniera economicamain favuraivla ed en ina concurrenza gista.

Sche Vus na chattais betg Vossas respostas e Vossas infurmaziuns sin nossa pagina d'internet, As stattan nossas collavuraturas e noss collavuraturs er gugent a disposiziun per telefon ubain en scrit.

Dr. Carmelia Maissen, cussegliera guvernativa
Scheffa dal Departament d'infrastructura, energia e mobilitad