En il rom da las adattaziuns architectonicas annualas ed en connex cun l'allontanament d'obstachels architectonics è vegnì installà in indriz auditiv inductiv en la sala dal cussegl grond che ha custà 34'000 francs. En il funs da craps natirals è vegnì mess in sistem d'inducziun sco latsch d'ina lunghezza da 240 meters. Ultra da quai è il sistem d'autpledaders existent vegnì adattà. Cun installar in indriz auditiv inductiv èn vegnidas stgaffidas las premissas d'optimar l'enclegentaivladad da la lingua en la sala dal cussegl grond e sin la tribuna per umans cun impediments da l'udida che portan in apparat d'udida. Quest indriz è en funcziun dapi il cumenzament da favrer 2009.