Nossas incumbensas

Sco post dal sectur da construcziun dal chantun Grischun tgirain nus ils interess dal chantun sco proprietari e sco possessur d'immobiglias u sco patrun da construcziun ed essan responsabels per tut las prestaziuns dal manaschament d'immobiglias. Quai cumpiglia la structuraziun dal portfolio d'immobiglias, la planisaziun, la realisaziun e la gestiun d'immobiglias sco er la cussegliaziun.

Nossas finamiras

• Optimaziun dal portfolio chantunal d'immobiglias areguard la rentabilitad ed areguard la persistenza, resguardond en quest connex il context cultural.
• Metter a disposiziun ed administrar l'infrastructura architectonica ch'è necessaria per che l'administraziun chantunala possia ademplir sias incumbensas, e quai en moda che tegna quint da la qualitad, dals custs e dal temp.
• Planisar e realisar a temp las plazzas da lavur confurm a l'utilisaziun, las equipar cun mobigliar standardisà, e quai resguardond la concepziun, la durabladad e la rentabilitad.
• Garantir in mantegniment che correspunda als basegns ed in nettegiament da las atgnas immobiglias e da las immobiglias ch'il chantun ha prendì en locaziun.
• Cussegliaziun professiunala cumpetenta d'instituziuns chantunalas e d'instituziuns che survegnan subvenziuns.

Nossas valurs

• Nus agin en moda ch'è orientada al futur e prendain per mauns novas sfidas en moda activa e cun engaschament.
• Nus dain ina gronda paisa ad ina cumparsa unitara, cumpetenta ed orientada a la clientella.
• Nus avain quità da l'ambient ed ans orientain vi da modas da construir ecologicas e persistentas en quai che reguarda l'energia.
• Nus infurmain en moda averta ed ans stgaffin uschia fidaivladad e chapientscha tar nossas partenarias e tar noss partenaris ed en la publicitad.
• Nus lavurain ensemen ed emprendain in da l'auter, barattond la savida e l'experientscha.
• Nus stimain e promovain nossas collavuraturas e noss collavuraturs e spetgain dad ellas e dad els prestaziuns e l'identificaziun cun nossas finamiras e cun nossas valurs.