Sche Vus vulais installar conducts en la via chantunala u montar tals sur la via chantunala, duvrais Vus ina permissiun da l'Uffizi da construcziun bassa dal Grischun. Empleni per quest intent per plaschair cumplettamain noss formular standardisà e l'inoltrai al district cumpetent. Tant per Vus sco er per nus gida quai a spargnar lavur nunnecessaria. E Vus survegnis tant pli svelt nossa posiziun u la permissiun giavischada.

Metoda da construcziun

Per il manaschi e per la duraivladad da la via èsi impurtant ch'ils conducts vegnian installads tant sco pussaivel senza chavar foss. Mo en cas motivads vegn dada la permissiun da chavar in foss en la via. Per ulteriuras infurmaziuns guardar il Fegl d'infurmaziun per permissiuns da foss averts.

Formular da dumonda

Tut tenor la metoda da construcziun sto vegnir inoltrà in auter formular da dumonda. Resguardai per plaschair che Vus stuais nominar in impressari che ademplescha las premissas fundamentalas per restabilir la via, cura che Vus inoltrais ina dumonda per in foss avert en la via chantunala. Glista dals impressaris admess per chavar si vias chantunalas.

Dumonda per conducts cun perfuraziun

Dumonda per conducts cun foss avert

Dumonda per conducts sur la via chantunala

Prescripziuns executivas per reparaziuns suenter l'installaziun da conducts

Execuziun da lavurs da cuvrida