L’observaziun da la pandemia entras las auas persas ha l’avantatg che l’entira populaziun da l’intschess cumpiglià da l’ARA è inclusa e che las persunas infectadas vegnan da l’entschatta e sur l’entir andament da lur malsogna detectadas. I n’è per il mument anc betg pussaivel da definir directamain ils dumbers d’infecziuns entras las auas persas. L’andament da la pandemia po dentant uschia vegnir persequità en il senn d’in sistem da preavertiment.

Ulteriuras infurmaziuns tar SARS-CoV-2 en las auas persas chattais Vus qua.