Ils custs per tests COVID-19 na vegnan betg pli surpigliads da la Confederaziun a partir dal 1. da schaner 2023. A partir dal 1. da schaner 2023 ston las persunas pia pajar sezzas lur test.
Tests ordinads da medias e medis vegnan surpigliads da l’assicuranza da malsaun, sch’il test è necessari per pudair decider l’ulteriur proceder medicinal. Quai cun resalva da la franschisa e da la quota persunala.
Jau hai sintoms
In test da corona n’è da principi betg necessari. Restar a chasa tar sintoms levs, fin che Vus as sentis puspè saun. Tar sintoms pli grevs consultar per plaschair Voss medi/Vossa media. Davart la necessitad d’in test da corona decida il medi/la media responsabel/-bla.
Jau n'hai nagins sintoms
In test da corona senza motiv n’è betg necessari. Da principi n’èn naginas mesiras da precauziun spezialas pli necessarias. Vus decidais, sche Vus vulais far in test svelt d’antigens en in apoteca sco profilaxa avant in inscunter en ina chasa da tgira u d’attempads. Il test stuais pajar sezs.
Tgi surpiglia ils custs dals tests?
- Ils custs per tests da Covid-19 na vegnan betg pli surpigliads da la Confederaziun dapi il 1. da schaner 2023. A partir dal 1. da schaner 2023 ston las persunas che laschan far in test pia pajar sezzas il custs per il test da Covid-19.
- Tests ordinads da medis/medias vegnan dentant surpigliads da la assicuranza da malsauns obligatorica, sch’il test è necessari per decider l’ulteriur proceder medicinal. Quai cun resalva da la franschisa e da la quota persunala.
- Ils custs per analisas sin Sars-CoV-2 tar persunas cun ina dimora staziunara tenor artitgel 49 da la lescha federala davart l’assicuranza da malsauns (LAM; SR 832.102) vegnan era surpigliads.
- Custs per tests en apotecas ed en la gronda part dals centers da tests ston en mintga cas vegnir pajads da la persuna che lascha far il test, era sch’il test vegn fatg sin ordinaziun d’in medi / d’ina media.