Il chantun Grischun s'engascha per promover in'alimentaziun equilibrada e persistenta en la gastronomia collectiva e porta il label da qualitad naziunal «Fourchette verte – Ama Terra» en il Grischun. Centers dal di per uffants, maisas da mezdi da scola ed ussa er centers da seniors cun abitaziuns per persunas attempadas e cun servetschs da pasts per persunas pli veglias pon sa laschar cussegliar d'ina persuna spezialisada per dumondas da nutriment. En il focus dals criteris da giudicament da «Fourchette verte – Ama Terra» stattan l'equiliber dals plans dals menus ed ultra da quai tscherts criteris pertutgant la persistenza, che ston vegnir ademplids.

Ils 8 d'avrigl 2025 ha il Post spezialisà per la promoziun da la sanadad pudì surdar per l'emprima giada il certificat «Fourchette verte – Ama Terra» a dus manaschis: a la structura dal di da la scola da Razén ed al center da seniors Rigahaus a Cuira.

Cliccai qua per dapli infurmaziuns davart la purschida da cussegliaziun dal Post spezialisà per la promoziun da la sanadad ...