Las cussegliadras ed ils cussegliaders sustegnan mammas, babs, tattas e tats e persunas da referiment d'uffants fin 5 onns en connex cun temas davart il svilup, l'educaziun, il nutriment, la sanadad u er temas da famiglia.

La purschida vegn finanziada dal chantun ed è gratuita per Vus.

Vus pudais profitar da las cussegliaziuns al telefon, per e-mail, en ils centers da cussegliaziun u tar Vus a chasa. Vus decidais, quant savens che Vus faschais diever da nossas purschidas e tge temas che Vus vulais discutar.

As annunziai tar il post da cussegliaziun da Vossa regiun.