La promoziun da la sanadad psichica da las persunas giuvnas è ina da las pli grondas sfidas da la politica da sanadad da noss temp. Quai mussan las debattas che vegnan manadas en la publicitad e che sa refereschan als pli novs resultats da studis. Perquai ans engaschain nus per rinforzar la sanadad psichica e las cumpetenzas da vita dals giuvenils e da las persunas giuvnas creschidas en il Grischun. En cooperaziun cun la Federaziun tetgala da la promoziun d'uffants e da giuvenils, jugend.gr, lantschain nus il project da pilot «Es ti OK?». Nus tschertgain vischnancas che tematiseschan la «Sanadad psichica dals giuvenils» ed elavuran, realiseschan ed evalueschan, en in process participativ, mesiras che correspundan a las sfidas ed als basegns communals.

Vischnancas che vulan vegnir a savair dapli davart il project da pilot «Es ti OK?» u che s'interessan per ina participaziun, pon s'annunziar tar: Alice Lang, manadra dal project Promoziun da la sanadad en vischnancas, tel. 081 257 88 91, e-mail alice.lang@san.gr.ch

Documents

• Publicaziun
• Descripziun dal project