In onn è ussa passà, dapi che la Polizia chantunala grischuna è represchentada sin Instagram. 80 maletgs, 19 reels e 427 stories han dà ina invista dal mintgadi da la polizia entaifer quest temp. Cumenzà ha tut cun la concepziun. Cura ch'il project Instagram è stà pront, è vegnida annunziada sia partenza.
Il chanal da Facebook da la Polizia chantunala grischuna è gia dapi plirs onns en l'internet ed ha bunas cifras d'utilisaziun. Cun la cumparsa sin Instagram duevan cunzunt generaziuns pli giuvnas vegnir pledentadas. Contribuziuns persunalas ed infurmativas duevan rinforzar l'affinitad e la conscienza per la lavur da la polizia sco er dar ina invista dal profil professiunal sco polizista u polizist.
Ussa guarda la Polizia chantunala dal Grischun enavos. Differentas furmas da contribuziuns èn vegnidas empruvadas, midadas e sviluppadas vinavant. En quest connex dat spezialmain ina contribuziun en egl: il reel davart la controlla da traffic ch'è vegnì cliccà il pli savens:
