Per cloms d'urgenza u per autras communicaziuns urgentas cumponi per plaschair il numer d'urgenza 117. 

Per motivs giuridics na pon vegnir prendidas encunter naginas communicaziuns per e-mail. Per quai As drizzai per plaschair al proxim center da polizia u al spurtegl online da Suisse ePolice. 

Dumondas da prender invista dad actas ston vegnir fatgas adina en scrit – betg per e-mail – a la suandanta adressa: 

Polizia chantunala dal Grischun
Ringstrasse 2
CH-7000 Cuira 

A la dumonda ston en mintga cas vegnir agiuntads ils suandants documents:
- plainpudair da la mandanta u dal mandant
- copia d'ina carta d'identitad u d'in passaport da la mandanta u dal mandant
- motiv da la dumonda
- curta descripziun dals fatgs cun indicaziuns utilas