La Polizia chantunala dal Grischun ha in pool da motociclists. Quests motociclists èn staziunads en basas da la Polizia da traffic. Per lur acziuns als stattan a disposiziun mintgamai duas motos staziunadas a San Bernardin, Tusaun, Cuira e Samedan.
Schelta d'in pèr acziuns:
- itineraris dal nord ⇆ al sid cun traffic da guntgida
- sustegn da la Polizia naziunala dal Principadi da Liechtenstein a chaschun da la scuntrada dals ministers da l'exteriur da lingua tudestga a Vaduz
- diversas cursas da velo en l'entir chantun, sco la Tour de Suisse, il Giro da trais pajais, la Alpen Challenge
- controlla trilaterala dal pass da l'Alpsu tras las polizias chantunalas da TI/ UR/ GR
- tura da velos a motor Cuira–Ascona
- Arosa Classic Car
- di da las portas avertas / inauguraziun da la basa da polizia Engiadin'Ota–Bregaglia a Samedan
Moto da la Polizia chantunala grischuna cun in numer d'immatriculaziun FL a Vaduz
Per las acziuns da las motos che han durà da la primavaira fin l'atun, ha l'onn 2022 gì bella aura ed è stà per gronda part sitg. La gruppa da motociclists ha sustegnì u elavurà per il pli ils suandants cas: pannas da vehichels, agid u accidents da traffic. En cas da stagnaziuns dal traffic u per emprimas intervenziuns èn las motos da la polizia in med d'acziun flexibel ch'è sa cumprovà.