Al WEF 2023 han ins duvrà per l'emprima giada l'anteriur biro da posta a Tavau Plaz sco center da registraziun e d'emissiun da badges. Ils onns precedents era la polizia cumpetenta per las persunas che abitavan en las zonas da protecziun sco er per las vias d'access a questas zonas, il WEF era responsabel per ils badges dals giasts dals hotels. Da nov ha la Polizia chantunala dal Grischun la cumpetenza totala. 

L'areal da spetga davant ils spurtegls.

Per las collavuraturas ed ils collavuraturs dal post d'emissiun èn vegnids installads posts da lavur temporars.

La populaziun da Tavau che abita en las zonas da protecziun, ils hotels ed ils giasts dals hotels sco er ulteriuras persunas han pudì retrair lur badges d'access tar il post d'emissiun. Tschintg spurtegls èn stads en funcziun per quest intent, durant las fins d'emna èn vegnids averts dus ulteriurs spurtegls.

Ils badges èn vegnids producids cun in nov sistem da stampar pli effizient. Per pudair stampar il dumber pli grond da badges, han ins prendì en locaziun otg ulteriurs stampaders. 

Suenter l'acziun è avant l'acziun – er per la retscha da stampaders.