La regenza grischuna ha decidì il december 2014 da laschar perscrutar las uschenumnadas "mesiras repressivas per motivs da provediment en il Grischun". Quai èn in'entira retscha da mesiras en il sectur da l'agid social resp. dal provediment:

• plazzaments administrativs en instituziuns, sco ch'els eran pussaivels en Svizra fin l'onn 1981
• avugadias pervia da "sfranadadad" u "esser in(a) mitschafadias"
• plazzaments en in lieu ester d'uffants cunter lur voluntad – resp. cunter la voluntad dals geniturs
• adopziuns pli u main sfurzadas
• sterilisaziuns sfurzadas

Il fanadur 2015 è l'incumbensa vegnida surdada al center interdisciplinar per la perscrutaziun da las schlattainas da l'universitad da Berna. Il studi ch'è vegnì elavurà sut la direcziun da dr. Tanja Rietmann è ussa avant maun. L'elavuraziun è vegnida accumpignada dad ina gruppa da project sut il presidi da l'archivari dal stadi Reto Weiss.

Quest studi duai cuntanscher oravant tut las suandantas finamiras:

• preschentaziun ed analisa da las basas legalas
• descripziun ed analisa dal funcziunament da las autoritads
• indicaziuns dal dumber da las mesiras repressivas (uschè bain sco pusseivel)
• retschertga cumplessiva dal stadi da las actas

Telechargiar flyer ed indicaziuns per empustar il cudesch stampà

Telechargiar studi

Telechargiar survista sur da las actas   

Purtret da Tanja Rietmann en il "Bündner Tagblatt" dals 8-2-2016 (Luzi Bürkli)