La mediateca da la Scola chantunala sa chatta al plaun sura da l’edifizi Münzweg 15. L’utilisaziun è resalvada a las scolaras ed als scolars, als magisters ed a las magistras ed als collavuraturs ed a las collavuraturas da la Scola chantunala. 40 plazzas da lavur e 25 plazzas da lavur cun computers stattan a disposiziun per pudair lavurar quietamain. Ultra da quai porscha la mediateca era duas stanzas da seminaris per lavurs en gruppas tenor cunvegna. I valan las cundiziuns da l’urden d’utilisaziun (DE).

Actualitads

Sin la cloud sut «mediateca»/«purschida digitala» sa chatta novamain:

1. Ina curta introducziun per l’access da gasettas per commembers e commembras da la SCG →Link
2. Ina glista da survista da las gasettas e revistas, ch`è accessibla per commembers e commembras da la SCG → Link
   

Cussegliaziun, tips e trics

• Documents da scolaziun per la retschertga, valitaziun da funtaunas, modas da citar e.u.v. chatt’ins sin lacloud a l’intern da la scola.
• Tutorial da retschertgas: Agid online per lavurs da finiziun.
• Currier da velo:Spediziun gratuita da medias dad autras bibliotecas da Cuira a la SCG.

Purschida da medias

Inventari da la mediateca al lieu: cudeschs, revistas, DVDs, gasettas, e.u.v.

Nus purschain litteratura relevanta per l’instrucziun en tut las linguas dal chantun, litteratura specifica, litteratura divertenta, gasettas e DVDs. Retschertga electronica davent da chasa → via catalog online

Biblioteca digitala per scolaras e per scolars

Per l’utilisaziun pon ins emprestar iPads ed e-book-readers.

• Dibiost: Access gratuit sin medias electronicas era davent da chasa.
• MLOL: Access gratuit a medias electronicas (talianas) era davent da chasa.
• Digithek: Access gratuit a banca da datas da retschertgas. La purschida sa per part be vegnir duvrada cun ils computers sin il campus u via il WLAN da la SCG.
• Ebook Central von ProQuest (EBC): access gratuit ad e-Books, pluriling. L'access als texts cumplets succeda parzialmain tenor dumonda.

Na chattais Vus nagina litteratura adattada? Avais Vus dumondas co ch’ins fa retschtgas u co ch’ins scriva ina lavur? Nus gidain gugent via telefon u via e-mail

Offerta speziala per persunas d’instrucziun

• FWU-mediateca: Access online a sur 5'000 films, sequenzas, gallarias da maletgs, fegls da lavur e gieus da lavur per l’instrucziun. Code d’access sin dumonda → via e-mail
• L’inventari da la biblioteca da magisters/magistras offra cudeschs e revistas davart la didactica generala, l’emprender, la professiun da magisters, trends en fatgs da scola ed anc bler auter.

Uras d’avertura

Team da la medioteca

Iris Capatt, manadra, spezialista d’infurmaziun e da documentaziun FH/SAS

Mattia Agnelli, spezialist d’infurmaziun

Ruth Roduner, Bibliotecara 

Uschia pon ins cuntanscher nus