Münzmühle
Nus ans legrain d'avrir ils 8 da schaner 2018 la nova mensa Münzmühle. La purschida multifara che sa cumpona da menus dal di, d'in buffet da salatas, da sandwichs, da pitschnas marendas e da bavrondas, sa drizza principalmain a las scolaras ed als scolars sco er a tut las collavuraturas ed a tut ils collavuraturs da la scola chantunala grischuna. En la mensa stattan a disposiziun 300 plazzas da seser.
Filosofia
Cun pachets da menus attractivs e cun l'opziun da cumbinar individualmain singulas cumponentas dals menus vulain nus porscher in'alimentaziun sauna, variada ed individuala. Nus dain gronda paisa a la producziun al lieu cun products da basa uschè frestgs sco pussaivel. Sche pussaivel resguardain nus furniturs da la regiun ed elavurain victualias producidas en Svizra.
Dapi ils 3 da december 2019 è la mensa Münzmühle – en cooperaziun cun GastroGrischun – in manaschi da scolaziun EXCELLENT per la furmaziun fundamentala professiunala sco cuschiniera u cuschinier AFQ. In manaschi da scolaziun EXCELLENT è in instrument prezius tant per ils manaschis da scolaziun sco er per ils giuvenils. Il sistem gida a manaschis d'emprendissadi motivads ad optimar lur qualitad da la scolaziun. La distincziun mussa che las emprendistas ed ils emprendists èn tgirads fitg bain en manaschis da scolaziun EXCELLENTS en quai che reguarda ils puncts socials ed ils puncts professiunals.
Fotografias:
Avertura, 8 da schaner 2018
Mensa Münzmühle, mars, 2018
Avertura uffiziala, 4 da matg 2018
Di da las portas avertas, 5 da matg 2018
Tura virtuala en la mensa Münzmühle:
Per la tura virtuala...
Filosofia da cumpra e tractament da victualias:
Einkaufsphilosophie im Verpflegungsbereich des WVB
Nutriment vegetaric u vegan
Das Angebot in der Mensa Münzmühle
Products regiunals
En collavuraziun cun noss bain puril partenari purschain nus supplementarmain products da legums e da salata regiunals ...
Broschura da la mensa Münzmühle:
Broschura cun material infurmativ e cun fotografias da la mensa Münzmühle
Glista da pretschs da la mensa Münzmühle, a partir dal 1. d'avust 2023
Survista dals pretschs
Midada dal material d'emballadi en il kiosc Halde
Information zur Umstellung des Verpackungsmaterials am Kiosk Halde
Information zu den PLA Produkten
Spezifikationen von PLA
Plans dals menus
Il plan dals menus...
Sistem da pajar
En la mensa pon ins pajar cun daner blut sco er cun las cartas da debit e da credit usitadas. Nus recumandain da profitar da la pussaivladad da pajar senza contact. Cun questa funcziun pon ins pajar imports da fin a 40.– francs cun la carta da debit u da credit senza stuair endatar il code dal PIN.
Uras d'avertura mensa Münzmühle
• 07:30 fin 16:00
• gentar da las 11.15 fin las 13.30
• spazi cun automats da las 07.00 fin las 18.00
Contact
mensa Münzmühle
Telefon: 081 257 61 80
Manader dal sectur d'alimentaziun: Daniel Hossmann
E-mail: daniel.hossmann@ahb.gr.ch
Infurmaziun davart il num
La Münzmühle è in lieu cun istorgia. Cuira era onns a la lunga in center da munaida. Il 16avel e 17avel tschientaner han l'uvestgieu e la citad da Cuira battì separadamain in da l'auter grondas quantitads da differentas munaidas. L'onn 1637 è la manufactura episcopala vegnida fusiunada cun quella da la citad che batteva sia munaida a la Münzmühle. Oz dat la Münzmühle alloschi a la mediateca da la scola chantunala grischuna sco er a la mensa Münzmühle