Cundiziuns per manar tras in curs da sport da scola G+S

Dumber da participantas e participants

• almain 3 fin maximalmain 24 participantas e participants en la vegliadetgna da G+S (5-20 onns) per manadra u manader
  
• a partir da 25 participantas e participants dovri ina persuna supplementara cun la renconuschientscha da manadra u manader per maximalmain 12 ulteriuras participantas e participants

Durada dal curs

• almain 15 emnas da curs durant ina perioda da maximalmain 6 mais
  
• almain 15 trenaments durant 12 emnas da trenament

Durada da l'activitad

• almain 45 minutas
• u 60, 75, maximalmain 90 minutas per di

En las disciplinas da segirezza valan las disposiziuns dal mussavia G+S correspundent.

Cundiziuns per manar tras in champ da G+S

Per organisar in champ da G+S, che vegn purschì independentamain d'in curs da G+S, ston vegnir ademplidas las suandantas cundiziuns:

Dumber da participantas e participants

• almain 12 participantas e participants en la vegliadetgna da G+S

Manadra u manader dal champ

• almain 2 persunas ch'èn autorisadas da manar la disciplina da sport correspundenta e la gruppa d'uffants u da giuvenils en mira

Durada dal champ

•  almain 4 dis consecutivs

 Durada da l'activitad

•  per di da champ almain 2 unitads d'activitads G+S
• almain 4 uras

Pernottaziun

• Ina cuminanza da champ cumpiglia la convivenza e la pernottaziun cuminaivla en in tschert lieu.
• Excepziun: champs, als quals sa participeschan exclusivamain uffants (5 fin 10 onns) dastgan vegnir organisads er senza pernottaziun cuminaivla.
  

Cundiziuns e princips per survegnir daners da sustegn chantunals dal sport da scola voluntar

Las suandantas cundiziuns ston esser ademplidas per survegnir ils daners da sustegn chantunals supplementars:

• L'organisatura da la purschida da sport da scola voluntar è ina scola publica u ina scola privata renconuschida uffizialmain dal stgalim primar, dal stgalim secundar I u dal stgalim secundar II resp. ina scolina publica u ina scolina privata renconuschida uffizialmain dal chantun Grischun.
• Las purschidas da sport da scola voluntar han lieu durant ils lavurdis avant las 19.00.
• Per purschidas da sport da scola voluntar sin il stgalim da la scola populara vegnan ils implants da sport da scola sco er ils implants da sport da la vischnanca mess a disposiziun gratuitamain da la vischnanca resp. dal consorzi da scola.
• Per purschidas da sport da scola voluntar sin il stgalim secundar II vegnan ils implants da sport da scola mess a disposiziun gratuitamain da la scola.
• La purschida da curs vegn publitgada sur la scola. Ella stat a disposiziun a tut las scolaras ed a tut ils scolars, independentamain d'ina commembranza en in'uniun.
• La gruppa da sport da scola na sa participescha betg a campiunadis, a concurrenzas u a turniers da la federaziun da sport correspundenta.
• La purschida da sport da scola voluntar na vegn betg annunziada il medem mument tar il chantun per survegnir sustegn en il rom da l'Ordinaziun davart ulteriuras structuras dal di.
• La contribuziun per ils curs da sport da scola voluntar (contribuziun da G+S e daners da sustegn chantunals) vegn duvrada cumplainamain per indemnisar la manadra u il manader ed il coach da G+S.
• Il logo per il sport da scola voluntar da graubündenSport vegn duvrà sin las publicaziuns sco er sin in'eventuala pagina d'internet ed i vegn rendì attent en in lieu adattà al sustegn da graubündenSport.