Cun l'introducziun da la nova lescha da scola per l'onn da scola 2013/2014 en il chantun Grischun resultan per las vischnancas custs da salari unics en furma d'in salari mensil, pervia dal transferiment da las persunas d'instrucziun da l'anteriur sistem da salarisaziun al nov sistem da salarisaziun.

Quests custs supplementars en in'autezza da milliuns per tut las vischnancas dal chantun Grischun n'èn mai vegnids tematisads en la missiva tar la nova lescha da scola, sco er betg en la discussiun dal cussegl grond e n'èn er mai vegnids communitgads a las vischnancas tras il DECA.

Perquai fatsch jau la proposta che quests custs unics:

- giajan a quint dal chantun sin il preventiv dal DECA,

- e che las vischnancas possian metter a quint quests custs unics dal tuttafatg al chantun.

Cuira, ils 21 d'october 2013

Aebli