Las periclitaziuns che vegnan da la societad han la variabilitad la pli gronda. Cun ina pandemia u er cun in'epidemia d'animals en la grondezza tschernida ston ins quintar en il chantun Grischun ina giada mintga 30 fin 100 onns. La frequenza d'in attentat B en il Gri-schun è da l'autra vart fitg pitschna. Il motiv per quai è ch'il Gri-schun na vegn betg resguardà sco territori da terrorissem primar e ch'i vegnan gia tratgas a niz la libertad d'agir sco er pussaivladads d'influenza da la protecziun da la populaziun per impedir il meglier pussaivel in tal attentat.
En il center da las periclitaziuns ord la societad sa chattan ils sce-naris d'amoc sco er ils eveniments en cas d'occurrenzas grondas. La frequenza d'in attentat al WEF sco descrit en il scenari da refe-renza "grond" da la periclitaziun "eveniment grond" vegn stimada main che ina giada en 1'000 onns. Fin ussa n'hai dà nagins eve-niments cumparegliabels al WEF durant ils onns da sia existenza. In motiv per quai è il dispositiv da segirezza cumprovà cun las mesi-ras multifaras. Grazia a la realisaziun consequenta da las mesiras per garantir la segirezza a l'occurrenza è la ristga restanta d'in at-tentat en cumparegliaziun cun il scenari da referenza "grond" cor-respundentamain pitschna.