Il post da stab Administraziun digitala chantun Grischun ha cumenzà il 2024 cun sia lavur per accelerar la digitalisaziun en l'administraziun chantunala. Nus surpigliain en spezial las suandantas incumbensas:

La coordinaziun da la transfurmaziun digitala per l'entira administraziun per garantir in'avischinaziun communabla.

La cussegliaziun ed il sustegn dals departaments e dals posts durant la realisaziun da la strategia digitala da l'Administraziun digitala chantun Grischun. Quai succeda cun agid da persunas responsablas per la digitalisaziun en tut ils departaments.

L'elavuraziun da las basas strategicas per realisar intents da digitalisaziun.

Nus procurain per la communicaziun strategica e garantin la participaziun da gruppas en mira sco la populaziun, interpresas, collavuraturas e collavuraturs da l'administraziun chantunala, las vischnancas e las regiuns.

La colliaziun activa en il champ da la transfurmaziun digitala cun la Confederaziun, il Chantun, las vischnancas, las regiuns ed ils gremis sco per exempel l'Administraziun digitala Svizra.