Per realisar cun success la transfurmaziun digitala dovri la collavuraziun activa da tut las unitads da l'administraziun chantunala. Perquai è vegnida sviluppada ina structura d'organisaziun che pussibilitescha novs puncts da partenza per la collavuraziun e la coordinaziun entaifer l'administraziun. Questa structura pussibilitescha ina direcziun sur tut ils departaments ora e promova la capacitad, l'integraziun ed il sustegn dals posts da servetsch.
Las trais suandantas unitads han ins creà da nov per realisar la transfurmaziun digitala (oransch):
- La cumissiun da planisaziun da l'Administraziun digitala è responsabla per la direcziun strategica da la transfurmaziun digitala.
- Il post da stab da l'Administraziun digitala è il post da coordinaziun interdepartamental davart il tema transfurmaziun digitala. El fa part dal Departament da finanzas e vischnancas.
- En mintga departament datti da nov ina responsabla u in responsabel per la digitalisaziun. Questa persuna è mintgamai responsabla per la cussegliaziun, la coordinaziun ed il svilup da mesiras per la transfurmaziun digitala da quest departament e ses posts da servetsch.
Ulteriuras funcziuns ed ulteriurs andaments
Per sustegnair a moda directa la realisaziun da projects en ils posts da servetsch èn ils dus suandants posts da servetsch da gronda impurtanza (oransch):
L'Uffizi d'informatica vegn engrondì cun persunal qualifitgà d'IT per sustegnair a moda directa ils posts da servetsch da realisar projects da digitalisaziun.
L'uffizi dal persunal accumpogna las collavuraturas ed ils collavuraturs durant il process da midada ed ils posts da servetsch en il champ dal svilup d'organisaziun.