L'Uffizi da guaud e privels da la natira è il post spezialisà dal chantun per il guaud e per la protecziun cunter privels da la natira. El è responsabel per l'execuziun da la Lescha dal guaud.

Las collavuraturas ed ils collavuraturs da l'Uffizi da guaud e privels da la natira s'engaschan, per ch'il guaud grischun possia

-       proteger la glieud, ils animals e l'infrastructura

-       esser il spazi da viver da bleras differentas spezias d'animals e da plantas,

-       esser il furnitur da materia prima sco lain, aua, energia e da tuttas sorts mangiativas,

-       esser vinavant in spazi da recreaziun e da temp liber per la glieud.

Las collavuraturas ed ils collavuraturs da l'Uffizi chantunal da guaud e privels da la natira (er numnà Servetsch forestal chantunal) han l'incumbensa da s'engaschar per quests basegns da la societad envers il guaud e da garantir, ch'il guaud vegnia tractà en moda persistenta.