En general

80% da las entradas per la taxa d'exemziun dal servetsch militar van en la cassa federala. Questa taxa n'è betg ina taglia e n'è betg liada ad in intent, q.v.d. cun questas en-tradas na vegnan confinanziadas betg mo l'armada e la protecziun da la populaziun, mabain er la furmaziun, la perscrutaziun, il traffic, l'agricultura ed ils fatgs da sana-dad. 20% da las entradas restan al Chantun sco provisiun da retratga.

Taxaziun

La partiziun militara è cumpetenta per la taxaziun e per la retratga da las taxas da cumpensaziun da las persunas annunziadas tenor il dretg civil en il Chantun Grischun ils 31-12 da l'onn da cumpensaziun. Tenor la nova Lescha federala davart la taxa d'exemziun dal servetsch militar ch'è entrada en vigur per l'1. da schaner 2019 è l'obliga-ziun da pajar la taxa d'exemziun pussaivla tranter il 19avel e maximalmain fin il 37avel onn da vegliadetgna. Las per-sunas ch'èn ablas da far servetsch militar e da protecziun survegnan l'emprima da 11 taxas da cumpensaziun durant l'onn suenter la recrutaziun. Per persunas ch'èn ablas da far servetsch militar e che han gia absolvà la scola da re-crut (SR), sto vegnir pajada la taxa da cumpensaziun per mintg'onn, en il qual i na vegn betg fatg servetsch persunal.

Prelevaziun da taxas

As contactai cun nus ad ura, sche Vus na pudais betg pajar la taxa da cumpensaziun pervia da difficultads finanzia-las u insumma betg entaifer il termin fixà.

KPajaments en ratas a curt termin u termins da pajament pon vegnir fixai per telefon. Dumondas da suspender ils pajaments u da relaschar a pli lunga vista els ston vegnir inoltradas en scrit cun ils mussaments correspundents. Ul-teriuras infurmaziuns chattais Vus qua.

Restituziun

Sche Vus avais ademplì il servetsch militar u civil e sche Vus avais ademplì l'obligaziun da prestar servetsch, pudais Vus drizzar Vossas pretensiuns a l'autoritad per la taxa d'exemziun dal servetsch militar dal Chantun che ha retratg la taxa.

Sche nus avain incassà Vossa taxa da cumpensaziun, pudais Vus far valair tar nus cun il formular la dumonda da restituziun. Alura ans tramettai per plaschair er Voss attest militar davart l'adempliment da l'obligaziun da servetsch militar (cudeschet da servetsch).

Prestais Vus servetsch civil? Alura survegnin nus dal post executiv da servetsch civil ZIVI l'annunzia davart la presta-ziun da servetsch ademplida.

Varia

Gugent As respundain nus er persunalmain ulteriuras dumondas, saja quai per reclamaziuns, per liberaziuns da cumpensaziun e per congedis a l'exteriur.