Il sectur Construcziuns da la Protecziun civila è responsabel per:
| Stabiliments da protecziun |
Mantegniment da la valur, controllas |
| Locals da protecziun/Refugis |
Approvaziun dal project, gestiun, controllas, planisaziun d'attribuziun |
| Alamaziun |
Mantegniment da las sirenas, test da las sirenas |
Implants da protecziun
Implants da protecziun cumpiglian posts da commando, stabiliments da provediment, posts da sanitad protegids e spitals protegids. Cuntrari als refugis (persunas) na han quests stabiliments betg da garantir mo la protecziun da la populaziun. Mintgin da quests edifizis accumplescha ina funcziun impurtanta en il rom cumplessiv da la protecziun da la populaziun.
Refugis / Locals da protecziun
L'obligaziun da construir refugis è reglada en la Lescha davart la protecziun da la populaziun e la protecziun civila. Dapi il 1966 è ella, fin ad in pèr detagls tecnics, praticamain invariada. Sch'i dat memia paucas plazzas protegidas en vischnancas, sto la proprietaria u il proprietari construir in refugi a partir dad ina chasa dad 8 chombras, per territoris da valitaziun cun dapli che 1000 abitantas ed abitants a partir da 38 chombras. Sch'i na sto vegnir construì nagin refugi, sto ella u el pajar en mintga cas ina taxa da cumpen-saziun. En territoris nua ch'i dat memia paucs refugis sto la vischnanca procurar per refugis publics.
La proprietaria u il proprietari dal refugi es respunsabel per il mantegnimaint dal refugi. Il fegl d'infurmaziun, il manual da diever sper l'aggregat da la ventilaziun e quest video servan sco agid. Nos uffizi controlla periodicamain ils refugis.
Ils formulars e la gestiun da la construcziun da refugis chat-tais Vus sut telechargiar.
Alarm
En il Chantun Grischun èn installadas passa 330 sirenas. Circa in terz èn sirenas cumbinadas, nua ch'er l'alarm d'aua vegn installà. Mintg'on vegnan las sirenas controlladas acusticamain en tut la Svizra l'emprima mesemna dal favrer. Las sirenas servan per alarmar immediatamain la popula-ziun en cas d'eveniments da prighel. Sche la sirena suna èsi impurtant da suandar las indicaziuns da cumportament en il radio.
Las "Directivas da l'uffizi federal da protecziun da la popu-laziun concernent la gestiun da la construcziun da refugis e da la planisaziun dall'assegnaziun" dal 1. da favrer 2022 fixeschan il suandant:
La finamira da la construcziun da refugis/locals da protec-ziun e da la ZUPLA è da metter a disposiziun a mintga abi-tanta ed abitant in refugi en sia vischinanza ch'è cuntan-schibel a temp (per regla fin a 30 minutas, en cas da rela-ziuns topograficas difficilas fin a 60 minutas distanza a pe) (art. 74, CS 520.11).
Ils chantuns procuran per l'aschurnament da la ZUPLA. Quai vegn fatg periodicamain en il rom da la revisiun da la planisaziun da la gestiun dals refugis/locals da protecziun.
L'attribuziun dal refugi vegn elavurada sin via electronica cun ina software speziala e succeda – confurm a las pre-scripziuns da la lescha federala – tenor tscherts criteris (mantegniment da la cuminanza da famiglia e d'abitar, di-stanza la pli curta da l'adressa d'abitar al refugi e.u.v.). Sin fundament da las mutaziuns da la populaziun residenta (trens, viasfier, midadas d'adressa, activitad da construcziun e.u.v.) na vegn la populaziun betg infurmada a moda proac-tiva davart il stan actual da la ZUPLA, perquai che quella è mintgamai mo in'impressiun dal mument e po midar da tut temp. Ils resultats da l'attribuziun als locals da protecziun vegnan communitgads il pli tard suenter ina decisiun da rinforzar la protecziun da la polpulaziun en vista ad in con-flict armà (art. 6 al. 3, CS 520.1).
Per ulteriuras dumondas As stain nus gugent a disposi-ziun.