Ils 3 d'avrigl è il di da focus «sanadad» da la fiera da primavaira higa stà sut l'ensaina da la prevenziun, dal moviment e dal bainstar.

La scienziada da moviment ed anteriura campiunessa olimpica Daniela Sonderegger-Meuli ha declerà en il discurs d'expertas, quant moviment ch'è saun e co che nus restain uschè ditg sco pussaivel fits da spiert e da corp. Suenter ha ella mussà a las visitadras ed als visitaders exercizis pratics per il mintgadi. Numerusas gimnastas grischunas han sustegnì ella.

Durant l'entira acziun èn duas collavuraturas dal Post spezialisà per la promoziun da la sanadad stadas preschentas al stan ed han tschertgà il barat cun la populaziun. Ellas han repartì material d'infurmaziun davart la promoziun dal moviment, davart la fitness cognitiva e davart la prevenziun da cupitgas.

Ulteriuras infurmaziuns e purschidas davart il tema moviment en la vegliadetgna chattais Vus qua …