Sensibilisaziun davart temas da la promoziun da la sanadad
Il Post spezialisà per la promoziun da la sanadad sustegna finanzialmain e cusseglia las vischnancas ed ils acturs dal sectur Sanadad e fatgs socials en connex cun la planisaziun e l'execuziun d'occurrenzas publicas davart il tema promoziun da la sanadad.
Gruppa/s en mira
Vischnancas ed organisaziuns
Finamiras dal project
En las vischnancas han lieu occurrenzas d'impuls davart temas che promovan la sanadad.
La populaziun survegn in access nunbirocratic a temas che promovan la sanadad.
Il potenzial da sanadad fisic, psichic e social da la populaziun vegn activà.
Cuntegns da la purschida
- Scleriments preliminars: sustegn en connex cun la tscherna dals temas, da las metodas sco er da referentas e referents
- Sustegn en connex cun la lavur da publicitad e la planisaziun detagliada da l'occurrenza, sin giavisch producziun da meds da reclama
- Finanziaziun: surpigliada da 50 % dals custs che resultan, fin max. 2000 francs
Cundiziuns generalas
- Gruppa en mira definida cleramain
- Temas davart la promoziun da la sanadad: moviment, nutriment, sanadad psichica
- Francaziun locala
- Evaluaziun suenter l'occurrenza