Ina moda da viver sauna ha ina influenza positiva sin la sanadad e sin la qualitad da viver. Tgi che sa mova regularmain, sa nutrescha en moda equilibrada, renunzia da fimar e na baiva betg excessivamain alcohol, ha bunas schanzas da ditg restar saun.

Mesiras sistematicas da la Promoziun da la sanadad pon:

• meglierar il bainstar e la qualitad da viver
• augmentar il dumber dals onns da vita sauns
• rinforzar l'independenza fin en l'auta vegliadetgna
• retardar u reducir il basegn da tgira
• pussibilitar da viver fin en l'auta vegliadetgna en ses agen dachasa ed en l'ambient social usità

Ensemen cun las vischnancas, cun persunas spezialisadas e cun organisaziuns s'engascha il chantun Grischun per cundiziuns generalas che promovan ina vita sauna en il Grischun.

En il mintgadi prendais Vus las decisiuns che han consequenzas positivas sin Vossa sanadad. As laschai inspirar da nossas infurmaziuns e faschai dal bun a Vus.