Scolaziuns da protecziun da giuventetgna
Scolaziuns da protecziun da giuventetgna per il persunal da vendita e per manaschis
Il Post spezialisà per la promoziun da la sanadad porscha a las vischnancas ed als organisaturs scolaziuns gratuitas per il persunal da vendita e da servetsch. La scolaziun intermediescha fatgs davart il consum d'alcohol e da tubac tras giuvenils, davart las disposiziuns legalas e propona exempels d'agir concrets en connex cun la vendita da talas substanzas.
Las scolaziuns da protecziun da giuventetgna vegnan organisadas da la Crusch blaua dal Grischun per incumbensa dal Post spezialisà per la promoziun da la sanadad.
Gruppa/s en mira
Persunal da vendita e da servetsch, superiuras e superiurs, possessuras e possessurs da manaschis da gastronomia e da posts da vendita sco er collavuraturas e collavuraturs d'occurrenzas.
Finamiras dal project
Sensibilisar il persunal da vendita per temas da la protecziun da giuventetgna. Intermediar las basas giuridicas relevantas sco er dar tips per dumagnar situaziuns da vendita pretensiusas.
Cuntegns da la purschida
- Instruir gratuitamain il persunal al lieu
- Cussegliar e far recumandaziuns d'agir
- Material per proteger la giuventetgna
Cundiziuns generalas
- Manaschi, uniun, vischnanca dal Grischun
- Occurrenza realisada en in lieu en il Grischun
- Vendita da products da tubac e/u d'alcohol
Links