Cun «find-help GR» chattan persunas che tschertgan agid en ils secturs da la sanadad e dals fatgs socials svelt e simpel purschidas da cussegliaziun e da sustegn sco er posts cumpetents en il chantun Grischun. L'endataziun da chavazzins e la restricziun tenor il lieu da domicil pussibiliteschan da tschertgar purschidas sistematicamain tenor l'accessibladad. La funcziun da tschertga è concepida uschia che las purschidas en la proxima vischinanza e betg ils purschiders stattan en il center dals resultats d'ina tschertga – ina vaira plivalur per las persunas che tschertgan agid.

Avantatgs da «find-help GR» per purschiders

• las persunas pertutgadas, confamigliaras e confamigliars sco er las persunas spezialisadas chattan meglier las purschidas endatadas
• las purschidas vegnan publitgadas sin diversas paginas d'internet, las datas correspundentas vegnan dentant mo registradas e tgiradas centralmain ina giada
• grazia a l'invitaziun da mintga mez onn per controllar las datas è garantida in'auta qualitad da las datas
• ina tscherna seriusa da purschidas e da purschiders è garantida tras ils purtaders dal project
• il grad d'enconuschientscha da la glista online vegn promovì cuntinuadamain cun mesiras da communicaziun adattadas

Infurmaziuns utilas per persunas spezialisadas cussegliantas

Nizzaivel en il mintgadi da cussegliaziun: cun il register online «find-help GR» können beratendepon persunas che cusseglian metter ensemen, stampar e trametter per mail spert ina survista cun purschidas adattadas per la cussegliaziun e per il sustegn da lur clientas e lur clients. Sutvart chattais Vus ina instrucziun ed in film ch’explitgescha. Sin dumonda As purschain nus gugent ina scolaziun curta per Voss team (p.ex. sco input a chaschun d’ina seduta da team).

Instrucziun «Funcziun da tschertga»

Instrucziun da video per persunas spezialisadas

Concepir ina survista da las purschidas per clientas e clients (mo per tudestg)