Cun  crear relaziuns saunas influenzescha la vischnanca la sanadad da la populaziun a lunga vista. Da promover la sanadad è in’incumbensa da la suprastanza da la vischnanca. Sin basa legala sto ella garantir e nominar ina persuna incumbensada per la promoziun da la sanadad e da la prevenziun (PISP).

Sch'i fa basegn survegn la vischnanca support per questa incumbensa dal post spezialisà per la promoziun da la sanadad:

• Il mussavia per las persunas incumbensadas serva da basa professiunala
• Infurmaziun davart la promoziun da la sanadad (Newsletter)
• Cussegliaziun e perfecziunament
• Raits da contact/networking
• Cofinanziaziun

Questas purschida/offertas s'adresseschan oravant tut a las persunas incumbensadas da la vischnanca, ellas stattan era a disposiziun ad ulteriuras  persunas interessadas.