Tut las appartegnentas ed ils appartegnents da la regiun Engiadina vegnan clamads ina giada per onn al stan da tir Arduond a Zernez per exercitar da sajettar. Là treneschan els er in segund sectur – quest onn sa tracti d'endrizzar ina bloccada da via.
Mo gist 2 grads mussa il termometer quella magnifica damaun d'atun a las 08.00. La gruppa 1 cumenza cun il tir da pistola. La gruppa 2 endrizza ina bloccada da via: quella duai impedir che delinquents en fugia possian charrar vinavant.
Las participantas ed ils participants han posiziunà correctamain la rait cun guttas e pendì en las cordas da trair. Sin il cumond "Bloccar la via" tira ina persuna las cordas e la rait vegn rasada ora.
Sch'in vehichel charrescha sur questa serra, vegn bloccada l'axa.
Trais persunas mettan ensemen la rait. "Sche vus applitgais correctamain la rait, avais vus la controlla dal lieu da bloccada", declera l'instructur.
Las finamiras da la lecziun da tir dad oz èn: applitgar posiziuns correctas da tir e d'acziun, exequir manipulaziuns correctas en reguard tecnic e tactic sco er consolidar las atgnas abilitads da tir a maun dals exercizis prescrits. Al stan da tir da chatscha Arduond è la Polizia chantunala dal Grischun s'affittada a lunga vista. Là han er lieu mintga onn plirs trenaments da tir voluntars.