Sch'in genitur mora, sto il genitur survivent inoltrar a la APUC in inventari davart l'ierta e davart la facultad da l'uffant minoren. La APUC sto examinar, sch'ils interess da l'uffant envers l'ierta vegnan defendids e sche la facultad da l'uffant vegn administrada en urden. En cas da facultads grondas e cumplexas, u sche las relaziuns persunalas pretendan quai, po il genitur responsabel vegnir obligà da suttametter regularmain in rapport a la APUC.

Sche l'administraziun conscienziusa da la facultad da l'uffant n'è betg garantida suffizientamain, prenda la APUC las mesiras adattadas per proteger la facultad da l'uffant (p.ex. bloccar la facultad). Sch'i na dat betg in'autra pussaivladad d'impedir che la facultad da l'uffant vegnia messa en privel, vegn surdada l'administraziun ad ina procuratura u ad in procuratur.