Represchentanza legala
Sch'in uffant n'ha betg (pli) ina represchentanza legala, p.ex. perquai che la persuna che ha l'obligaziun da mantegniment è inabla d'agir u morta, po la APUC transferir la tgira genituriala sin l'auter genitur u nominar in'autra represchentanza legala (procuratur/avugà).
En il cas ch'in genitur mora e che l'auter genitur è tras quai per l'ina ertavel e defenda pia ils agens interess envers l'ierta, stuess però per l'autra represchentar ils uffants minorens en connex cun la regulaziun da l'ierta, resulta in eventual conflict d'interess. En quests cas nominescha la APUC per ils uffants minorens ina procuratura u in procuratur che sto defender ils interess dals uffants en connex cun la partiziun d'ierta (cf. er «Facultad da l'uffant»).