Dapi il 1. da fanadur 2014 è la tgira genituriala cuminaivla il cas regular. Geniturs che n'èn betg maridads in cun l'auter e che vulan exequir cuminaivlamain il dretg da tgira pon far ina decleraziun correspundenta tar las autoritads. La decleraziun po vegnir fatga tar l'uffizi da stadi civil ensemen cun la renconuschientscha da l'uffant. Pli tard po la decleraziun vegnir fatga tar la APUC al lieu da domicil da l'uffant. Sche mo in genitur aveva il 1. da fanadur 2014 la tgira genituriala e sche quel refusa da far la decleraziun, po l'auter genitur sa drizzar a la APUC. La APUC conceda lura la tgira genituriala cuminaivla, uschenavant ch'il bainstar da l'uffant è garantì. Cumpetenta per reglar la tgira genituriala en cas da geniturs divorziads è la dretgira responsabla (il divorzi na dastga betg esser stà avant dapli che 5 onns).