La procura publica dal Grischun as porscha la pussaivladad d'absolver in praticum giuridic. El è renconuschì sco preparaziun dals examens per acquistar l'attest grischun da qualificaziun per advocatas e per advocats.

Premess vegn che Vus disponis d'in licenziat dals dretgs u d'in Master of Law, che Vus hajas interess dal dretg penal resp. dal dretg da process penal e che Vus hajas plaschair dal contact direct cun las persunas participadas a la procedura sco er da la redacziun da scrittiras giuridicas. Plinavant spetgain nus bunas qualificaziuns, ina moda da lavurar independenta ed exacta, enconuschientschas da la EED sco er discreziun.

Ils praticums pon mintgamai vegnir fatgs dal 1. da schaner fin ils 30 da zercladur e dal 1. da fanadur fin ils 31 da december. Il lieu da lavur è Cuira.

La proxima plazza libra:a partir dal 1. da fanadur 2025

Inoltrai per plaschair Vossa annunzia cun ils documents usitads a l'emprim procuratur public, procura publica dal Grischun, Rohanstrasse 5, 7001 Cuira (tel. +41 81 257 25 51).