Cura stuais Vus preschentar Voss vehichel?

Tut ils vehichels admess cun numers d'immatriculaziun ston vegnir controllads periodicamain da noss uffizi. Ils intervals da las controllas anflais Vus qua.

Nus As supplitgain da controllar, da nettegiar e – sche necessari – da laschar reparar il vehichel avant la controlla. Reparaturas provisoricas na pudain nus betg renconuscher.

Sche l'aura permetta, dastgais Vus preschentar il vehichel durant l'enviern cun pneus da stad. En mintga cas stoi esser pussaivel da far in viadi d'emprova.

Camiuns, autos da furniziun e chars annexs cun frain ston vegnir preschentads cun almain 75% dal pais total ch'è inscrit en il document dal vehichel.

Infurmaziun davart la novaziun en connex cun controllas da domicil da chars annexs cun frains cuntinuads anflais Vus qua.

Vehichels novs na ston betg vegnir preschentads cun chargia, sche lur tip è vegnì controllà ed approvà.

Dimensiuns maximalas da vehichels a motor e da chars annexs:

Suenter che la carta d'annunzia è entrada, vai normalmain 5 emnas fin al termin d'examen. En cas excepziunals ed en cas che la dumonda è gronda stuais Vus quintar da spetgar in pau pli ditg. L'examen pratic da manischar po vegnir fatg mo cun ina carta da clamada e cun in permiss valaivel per emprender a manischar.

Nagin permiss per emprender a manischar na dovran:

• persunas che han in permiss da manischar da la categoria C u da la sutcategoria C1 e che dumondan in permiss da manischar da la sutcategoria D1;

• persunas che han in permiss da manischar da la categoria C e che dumondan in permiss da manischar da la categoria D;

• persunas che dumondan in permiss da manischar da las sutcategorias G ed M.

Sin la carta d'annunzia pudais Vus inditgar, nua che Vus giavischais da far l'examen. Fin 7 dis (5 dis da lavur) avant il termin pudais Vus As retrair gratuitamain l'examen. Sche Vus As retirais tard l'examen, As stuain nus displaschaivlamain metter a quint l'entir import d'examen.

Qui anflais infurmaziuns davart cursas per emprender d'ir cun auto ed examens d'auto.

Ordinaziun davart l'admissiun da manischunzas e da manischunzs (OAMan)

Infurmaziuns detagliadas per manischunzas e per manischunzs professiunals chattais Vus qua.

Temp da prova (How to keep your driving licence)

Savevas Vus gia che l'examen da teoria po vegnir fatg senza vegnir clamà a tal? La premissa è sulettamain quella che Vus preschentias la carta persunala d'admissiun. Questa carta As vegn tramessa, suenter che Vus avais inoltrà la dumonda da survegnir in permiss per emprender a manischar.

Noss lieus, ils dis e las uras d'examen anflais Vus qua u sin la vart davos da Vossa carta d'admissiun.

Resguardai per plaschair:

• L'examen da teoria po vegnir fatg il pli baud 1 mais avant ch'ins cuntanscha la vegliadetgna minimala necessaria.

• Questa conferma d'admissiun ed ina cumprova da l'identitad (carta d'identitad, passaport e.u.v.) ston vegnir surdadas a l'expert avant l'examen. Cas cuntrari n'èsi betg pussaivel da far l'examen.

• Ils firads, ils 2 da schaner, ils 24 da december ed ils 31 da december n'han lieu nagins examens da teoria.

Examen da demonstraziun CUT 

Meds d'instrucziun