L'uffizi per il traffic sin via è structurà en trais partiziuns ed en in post da stab ed è principalmain responsabel per l'admissiun da vehichels, da manischunzas e manischunzs e da bastiments al traffic, per la controlla periodica da vehichels e da bastiments, per il relasch da mesiras administrativas cunter manischunzas e manischunzs fallibels sco er per l'imposiziun e per l'incassament da las taglias da traffic.
La partiziun administraziun
-
emetta permiss per emprender a manischar e permiss da manischar
- remplazza permiss da manischar da l'exteriur tras permiss da manischar svizzers
- immatriculescha ed exmatriculescha vehichels
- depona e venda numers d'immatriculaziun ed
- incassescha taxas e taglias da traffic
La partiziun tecnica
-
fa las controllas periodicas dals vehichels
- examinescha las manischunzas ed ils manischunzs
- relascha permissiuns spezialas per transports excepziunals
- attribuescha ils numer da las vendidras e dals vendiders d'autos (numer cun in U)
- emetta documents da bastiment e permiss da chapitania u da chapitani e
- controllescha periodicamain ils bastiments
Sco davental jau expert da traffic chattais qua.
La partiziun mesiras administrativas è responsabla per
- refusar permiss per emprender a manischar,
- pronunziar avertiments e privaziuns da permiss e da
- annullar permiss da manischar da l'exteriur.