Fin avant pauc temp vegniva la glitta che deriva da las sereneras proclamada en tut la Svizra sco med per ladar e vegniva derasada da l'agricultura sin la prada. Per survegnir scleriment davart il cuntegn da substanzas nutritivas e davart la contaminaziun da metals grevs, pretenda il UNA emprovas da glitta. Quellas vegnan examindadas en il laboratori areguard il parameter correspundent.
La glitta da serenera n'è ozendi betg pli uschè dumandada sco med per ladar. Quai deriva oravant tut dal fatg che differentas cumponentas da la glitta vegnan taxadas ozendi plitost sco ristgadas. Gia oz vegn per quest motiv ina gronda part da la glitta da serenera en il chantun Grischun setgentada e suenter arsa en il stabiliment per arder rument. Er questas emprovas vegnan examinadas en il laboratori areguard lur cuntegn da metals grevs.
I vegnan examinadas ca. 30–60 emprovas da glitta da serenera per onn.

Emprovas da cumpost da stabiliments da cumpostar communals vegnan examinadas analogamain a la glitta da serenera areguard lur substanzas nutririvas ed areguard metals grevs.