La purschida da prestaziuns da servetsch dal LvbGR cumpiglia analisas davart:La purschida da prestaziuns da servetsch dal LvbGR cumpiglia analisas davart:
La bacteriologia
Ina analisa bacteriologica è inditgada, sch'i dat dubis d'ina infecziun bacteriala da la pazienta u dal pazient, sch'i vegn iniziada ina terapia d'antibiotica planisada e sch'i existan ulteriuras dumondas sco cumprovas d'epidemias d'animals chaschunadas da bacterias.
La serologia
Analisas serologicas pussibiliteschan la diagnosa d'infecziuns da virus e/u da scherms infectus ch'èn grev da cultivar sco er la segirezza d'ina cumprova da virus en ina cultura. Plinavant servan ellas a definir il grad da l'epidemia d'ina populaziun d'animals ed a survegliar las epidemias d'animals.
La parasitologia
L'analisa d'ina infecziun cun endoparasits succeda vi da l'animal vivent cun agid d'analisas parasitologicas dals excrements . Supplementarmain po medemamain vegnir fatg diever da l'analisa postmortala da singuls u da plirs organs cun metodas da la patomorfologia.
Ectoparasits sco pileschs e lur excrements, plugls, plugls da chavels e lur ovs, raischens, plugls da pennas pon ins identifitgar cun inspecziuns simplas, eventualmain cun agid d'ina marella e da buna glisch. Per cumprovar il chariel da la rugna u infecziuns da bulieus sto vegnir raspà davent in toc pel.
La patologia
Las secziuns da corps d'animals che paisan fin 70 kg e la secziun parziala (singuls organs) vegnan fatgas directamain en las localitads dal LvbGR. La secziun da corps d'animals pli grevs succedan – en entelgientscha cun il post per rimnar cadavers d'animals chantunal – a Riòlta sut.
La hematologia
Bleras malsognas èn accumpagnadas cun la midada dal dumber e da la furma da las cellas dal sang. Per giuditgar la spezia e la dimensiun da questas midadas dat l'elevaziun dal stadi dal sang bunas indicaziuns.
La chemia clinica
La diagnosa anticipada d'ina malsogna è la meglra premissa per ina terapia efficazia. La diagnosa, spezialmain la differenziaziun da malsognas d'organs, n'è dentant en blers cas strusch pussaivla senza meds auxiliars. Sco meds auxiliars èn gia dapi blers onns numerusas analisas da laboratori da differents metabolits, encims, electroids en emprovas da sang ina part essenziala en clinicas ed en praticas.