L'autocontrolla è ina part impurtanta da la garanzia da qualitad per la producziun, per l'elavuraziun e per la vendita da victualias.
Per garantir ina segirezza uschè gronda sco pussaivel da las victualias, sto mintga producenta e mintga producent e mintga persuna che elavurescha e che metta en circulaziun victualias disponer d'in concept d'autocontrolla. Tras in'analisa dals privels vegnan tut ils process sco er las recepturas, las localitads, ils indrizs, las maschinas e.u.v. examinads e giuditgads cumplessivamain. Ristgas potenzialas per la sanadad vegnan registradas e mesiras da precauziun correspundentas, sco er correcturas iniziadas.
La realisaziun da las mesiras da precauziun vegn examinada e documentada cun controllas adattadas entaifer il manaschi.
Las ristgas per la sanadad duain cun quest proceder vegnir eliminadas tant sco pussaivel u almain vegnir reducidas ad ina dimensiun acceptabla.