Nus tuts vegnin pli e pli internaziunals – nossas victualias er. Uschia daventa ina decleraziun cumpletta, correcta sin las victualias adina pli impurtanta. La consumenta ed il consument vulan savair danunder che las victualias e lur ingredienzas derivan. Perquai ch'il dumber da las persunas cun allergias en la populaziun s'augmenta, è la decleraziun correcta da las ingredienzas e dals aditivs indispensabla. Insumma, la consumenta ed il consument vulan vegnir infurmads cumplainamain, els vulan savair tge ch'els mangian. Las indicaziuns sin las victualias ston correspunder als fatgs e na dastgan betg svegliar faussas aspectativas. Recumandaziuns sin las victualias èn scumandadas.

Las indicaziuns las pli impurtantas sin l'emballadi da las victualias èn:

• las designaziuns specificas
• las indicaziuns da la cumposiziun
• la dataziun
• il num e l'adressa da la producenta u dal producent u da la vendidra u dal vendider
• il pajais da producziun
• las indicaziuns dal gener da la rauba
• la temperatura adattada per depositar victualias che van a mal
• las indicaziuns da la quantitad e dal pretsch