Dashboard Survista dal stadi da la surbajegiada

La legislaziun davart la planisaziun dal territori pretenda che las vischnancas promovian il svilup dals abitadis vers anen e ch'ellas infurmeschian davart las reservas actualas da zonas da construcziun en il territori surbajegià ed en il territori liber. Per quest intent fan las vischnancas ina survista dal stadi da la surbajegiada, da l'avertura e da la madiranza da construcziun (survista SAM). Questa survista serva tranter auter sco basa per far la statistica da las zonas da construcziun sco er il monitoring ed il controlling dal plan directiv. Ella mussa a las autoritads, a las planisadras ed als planisaders sco er a las persunas privatas, nua ch'i dat zonas da construcziun surbajegiadas e libras, ed ella cuntegna infurmaziuns davart l'avertura e la madiranza da construcziun.

Cun il Dashboard Survista SAM èsi pussaivel da visualisar en moda facila plans e datas statisticas davart las zonas da construcziun surbajegiadas e libras, quai tenor las utilisaziuns principalas sin plaun chantunal, regiunal e communal.

Dashboard Stadi da la surbajegiada
Charta interactiva Survista SAM