En il rom dal project Datas economicas per il chantun Grischun retira il chantun Grischun duas giadas per onn, ca. il matg e l'october, prognosas per la conjunctura chantunala da l'Institut da perscrutaziun economica BAK Economics. Las datas sa refereschan mintgamai a l'onn passà, a l'onn current sco er a l'onn che vegn.

Supplementarmain vegnan furnidas ina giada per onn datas davart il svilup istoric da las regiuns grischunas, e quai sa basond sin las datas nunelavuradas or da la STATENT sco er sin il model existent. Sco cumplettaziun da las indicaziuns or da la statistica publica dattan las datas che van enavos fin l'onn 1980 infurmaziuns davart il svilup economic e la structura dal chantun e da sias regiuns.

Tenor quellas èn l'onn 2021 28,9 pertschient dal PIB chantunal vegnids realisads en la regiun Plessur; i suondan las regiuns Malögia (12,8 pertschient), Landquart (11,1 pertschient) e Partenz/Tavau (11,4 pertschient).