Noss departament cumpiglia nov posts da servetsch en ils dus secturs da l'economia publica e dals fatgs socials. Actualmain ha el ca. 500 collavuraturas e collavuraturs.

Tar las incumbensas principalas en il sectur da l'economia publica tutgan tranter auter l'economia en general, la lavur, il turissem, l'agricultura, la geoinfurmaziun, la segirezza da victualias, la sanadad d'animals, il svilup dal territori, il register da commerzi ed il register funsil. La finamira centrala è quella da stgaffir cundiziuns generalas uschè bunas sco pussaivel per l'economia dal Grischun per ch'il chantun Grischun possia sa sviluppar cun success sco plazza economica e per ch'i saja avant maun ina purschida adequata da plazzas da lavur.

Tar las incumbensas principalas en il sectur dals fatgs socials tutgan tranter auter la cussegliaziun sociala, l'agid social en general, l'integraziun da persunas creschidas cun impediments, l'assicuranza per vegls e survivents (AVS), l'assicuranza d'invaliditad (AI), las prestaziuns supplementaras (PS), ils supplements da famiglia ed ils supplements per uffants (CCF-LSA) e la reducziun individuala da las premias (RIP). La finamira è quella da far prestaziuns essenzialas per schliar ils problems socials e per chattar ina gulivaziun sociala cun sustegnair singuls umans, singulas famiglias e singulas gruppas sco er la communitad.

Marcus Caduff, Cusseglier guvernativ
Schef dal departament d'economia publica e fatgs socials