Documentar blessuras

Essas Vus pertutgada u pertutgà da violenza en il partenadi, en la famiglia, a la plazza da lavur u en il spazi public? Persunas da tgira da l'Ospital chantunal dal Grischun cun ina scolaziun speziala documenteschan ils mussaments per Vus – en moda confidenziala, gratuita e nuncumplitgada.

Nus As purschain

• In'atmosfera protegida – nus enconuschain tut las furmas da violenza ed As tadlain
• Ina documentaziun gratuita da las blessuras cun fotografias – e mo Vus disponis da questa documentaziun
• Confidenzialitad cumplaina, er entaifer l'ospital
• Infurmaziuns davart ulteriuras purschidas d'agid

Fixaziun d'in termin

Ans telefonai durant las uras da biro sut +41 79 923 11 44 u ans scrivai a forensicnursing@ksgr.ch.

Ulteriuras infurmaziuns survegnis Vus sin www.ksgr.ch/forensic-nursing.

Flyer d'urgenza

Duvrais Vus agid e sustegn pervia da violenza en la lètg, en il partenadi u en la famiglia? Il flyer d'urgenza As porscha agid.