Cussegliaziun da professiun, da studi e da carriera (CPSC)
Incumbensas ed activitads
La partiziun Cussegliaziun da professiun, da studi e da carriera (CPSC) cusseglia ed infurmescha persunalmain, independentamain e gratuitamain giuvenils e persunas creschidas. En ils otg lieus da la CPSC dal Grischun vegnan purschids servetschs da cussegliaziun ed i stattan a disposiziun centers d'infurmaziun professiunala (CIP).
Purschidas da cussegliaziun
Las purschidas èn gratuitas per tut las persunas che vivan en il Grischun.
| Cussegliaziun professiunala |
Ina purschida per scolaras e scolars dal stgalim superiur, scolaras e scolars da las purschidas transitoricas e per tuttas e tuts che sa chattan en il process da la tscherna da professiun e che giavischan in sustegn en la planisaziun ed en la realisaziun. |
| Cussegliaziun da studi |
Ina purschida per scolaras e scolars da la scola media u per absolventas ed absolvents da la matura professiunala. Qua stattan en il center il sustegn en la tscherna dal studi e l'infurmaziun areguard las perspectivas professiunalas suenter il studi. |
| Cussegliaziun da carriera |
Ina purschida per scolaras e scolars da la scola professiunala spezialisada, per studentas e students, per persunas cun activitad da gudogn, per absolventas ed absolvents da scolas autas, per persunas ch'entran puspè en il mund da lavur e per tut las persunas creschidas che giavischan ina cussegliaziun per planisar lur carriera. |
| viamia |
La purschida è in project da la Confederaziun e dals chantuns per promover il potenzial da forzas da lavur indigenas. Ella è adressada a persunas da passa 40 onns. En in discurs da cussegliaziun viamia vegn analisada la situaziun professiunala e vegnan discutadas pussaivladads da svilup. |
|
| Case management furmaziun professiunala CMFP |
La purschida accumpogna giuvenils e persunas giuvnas creschidas cun problematicas multiplas, ch'èn en la vegliadetgna da 14 fin 25 onns, sin lur via en la furmaziun professiunala da basa. |
|
Purschidas d'infurmaziun
En ils centers d'infurmaziun professiunala (CIP) stattan a disposiziun infurmaziuns davart la professiun, il studi e la planisaziun da carriera. I pon vegnir emprestads documents ed i vegn dà infurmaziuns gratuitas: al lieu, per telefon u per e-mail.